"Ливерпуль" ва "Челси" бир футболчига қизиқиб қолди

"Борнмут" клуби ярим ҳимоячиси Льюис Кук фаолиятини АПЛнинг топ клубларидан бирида давом эттириши мумкин.

Daily Mail нашри тарқатган хабарга кўра 22 ёшли футболчини "Ливерпуль" ва "Челси" клублари кузатиб боришмоқда. Бироқ, мерсисайдликлар ҳам, лондонликлар ҳам ҳозирча унинг трансфери борасида расмий таклиф билдиришаётгани йўқ. Боиси, Кук тиззасидан олган жиддий жароҳатидан яқиндагина соғайди.

Маълумот учун, Кук жорий мавсум “Борнмут” сафида 4 та ўйинда майдонга тушди. Унинг трансфер нархи эса 20 млн еврога баҳоланмоқда.