"Ливерпуль" юлдуз ҳужумчини 60 миллионга сотиб олмоқчи

"Ливерпуль" "Спортинг" ҳужумчиси Виктор Дьёкерес трансферига қизиқиш билдирмоқда.

TodoFichajes нашрининг хабарига кўра, "Ливерпуль" швед ҳужумчисини сотиб олиш учун 60 миллион евро тўлашга тайёр. Бироқ, 26 ёшли футболчининг "Спортинг" билан амалдаги шартномасида 100 миллион евролик товон пули белгиланган.

Дьёкерес кўплаб топ-клублар нишонида бўлиб турибди. У 2024/2025-йилги мавсумда 39 ўйинда майдонга тушиб, 37 гол ва 9 голли узатмага муаллифлик қилган.