“Ливерпуль” юлдузи бошқа суперклубга ўтади

“Ливерпуль” ҳужумчиси Садио Мане ёзда Германия Бундеслигасига кўчиб ўтиши кутилмоқда, деб хабар тарқатди Sky Germany нашри.

Манбанинг таъкидлашича, сенегаллик тўпурарга “Бавария” жиддий қизиқмоқда ва Мане мюнхенликларнинг ёзги трансферлар мавсуми учун асосий нишонига айланган.

Клублар ҳали расмий музокараларни бошлагани йўқ. Бироқ, “Бавария” спорт директор Ҳасан Салихамиджич Маненинг агентлари билан учрашиб, бўлажак трансфер масаласини муҳокама қилган.

Садио “Ливерпул”га 2016 йили “Саутгемптон”дан кўчиб ўтган. 30 ёшли футболчи бу мавсум барча турнирларда 46 та учрашувда 20 та гол урди ва  тўртта ассистни амалга оширди. Келаси мавсум охирида эркин агентга айланадиган ўйинчининг трансфери 80 миллион еврога баҳоланмоқда.