"Ливерпуль"га "Барселона" ҳужумчиси керак

"Ливерпуль" клуби "Барселона" вингери Усмон Дембеленинг хизматларига қизиқиш билдира бошлади.

Sportsmole нашри тарқатган хабарга кўра, мерсисайдликлар 22 ёшли француз футболчисининг трансфери бўйича каталонияликларга таклиф юборишган. “Барса” эса Дембелени 80 млн евродан камига қўйиб юбормоқчи эмас.

Бундан аввалроқ, “кўк-анор ранглилар” раҳбарияти Дембелени жамоада олиб қолмоқчи эканлиги ҳақида хабарлар тарқалган эди.

Усмон жорий мавсумнинг асосий қисмини жароҳатидан даволаниш билан ўтказди ва бор йўғи 9 та ўйинда иштирок этди ҳамда 1 та гол урди.