"Ливерпуль"га бельгиялик иқтидор эгаси керак

"Ливерпуль" бельгиялик ярим ҳимоячи Ромео Лавиа учун "Саутгемптон"га яхшиланган таклиф тайёрламоқда.

Инсайдер Фабрицио Романонинг сўзларига кўра, "Саутгемптон" 19 ёшли футболчи учун камида 50 миллион фунт талаб қилишни режалаштирмоқда.

Қайд этилишича, Лавиянинг ўзи ҳам «Ливерпуль»га ўтмоқчи, шу боис шахсий шартнома шартларини келишиб олишда ҳеч қандай муаммо бўлмайди. Шунга қарамасдан мерсисайдликларнинг у билан музокаралари бир неча ҳафтадан буён давом этмоқда.

“Саутгемптон” аввалроқ “Ливерпуль”нинг Лавия борасидаги 37 миллион фунт стерлинглик биринчи таклифини рад этганди.

Лавия ўтган мавсумда Премьер-лигада 29 та ўйинда майдонга тушди.