"Ливерпуль"га Чакир керак

Туркиянинг "Трабзонспор" клуби дарвозабони Угуржан Чакир фаолиятини Англия премьер-лигасида давом эттириши мумкин.

Sport Witness тарқатган хабарга кўра, 24 ёшли туркиялик голкиперга “Ливерпуль”дан қизиқиш пайдо бўлган. Мерсисайдликлар унинг учун 25 миллион евро таклиф қилишга тайёр. Мерсисайдликлар Чакирни жамоанинг асосий посбони Алиссонга муносиб ўриндош сифатида кўришмоқда.

Айтиш керакки, ҳозирда "Ливерпуль"да Алиссондан ташқари яна 4 та дарвозабон бор: Адриан, Лорис Кариус, Энди Лонегран ва Кевин Кэллехер.

Чакир жорий мавсум 33 та ўйинда майдонга тушди ва ўз дарвозасидан 37 та гол ўтказиб юборди.