"Ливерпуль"га қайтган Кариусни қандай тақдир кутмоқда?

"Ливерпуль" клуби раҳбарияти "Бешиктош"да ижарада бўлиб қайтган дарвозабон Лорис Кариусни сотиб юбормоқчи.

Liverpool Echo нашри тарқатган хабарга кўра, мерсисайдликлар 26 ёшли немис посбонини клубда олиб қолишмоқчи эмас. Шу боис у жамоа машғулотларига ҳам таклиф қилинмаган.

Кариус 2018 йилги ЕЧЛ финалида “Реал”га (3:1) қарши ўйинда “Ливерпуль” дарвозасини қўриқлаган ва 2 та жуда қўпол хатога йўл қўйиб, жамоасининг мағлубиятига сабаб бўлган эди.