"Liverpul"ga qaytgan Kariusni qanday taqdir kutmoqda?

"Liverpul" klubi rahbariyati "Beshiktosh"da ijarada bo‘lib qaytgan darvozabon Loris Kariusni sotib yubormoqchi.

Liverpool Echo nashri tarqatgan xabarga ko‘ra, mersisaydliklar 26 yoshli nemis posbonini klubda olib qolishmoqchi emas. Shu bois u jamoa mashg‘ulotlariga ham taklif qilinmagan.

Eslatib o‘tish lozimki, Karius 2018 yilgi EChL finalida “Real”ga (3:1) qarshi o‘yinda “Liverpul” darvozasini qo‘riqlagan va 2 ta juda qo‘pol xatoga yo‘l qo‘yib, jamoasining mag‘lubiyatiga sabab bo‘lgan edi.