"Ливерпуль"га яна 3 та вице-сардор сайланди

"Ливерпуль" клуби бош мураббийи Юрген Клопп жамоада янги вице-сардорлар сайлаш маросими бўлиб ўтганини маълум қилди.

Унга кўра, вице-сардорларни кўпайтириш қарори ўтган мавсумдаги жароҳатлар билан боғлиқ вазият туфайли қабул қилинган. Ушбу номга дарвозабон Алиссон ва ҳимоячилар Трент Александр-Арнольд ҳамда Эндрю Робертсон сазовар бўлган.

"Ливерпуль"нинг асосий сардори сифатида Жордан Хендерсон қолди. Унинг биринчи рақамли ўринбосарлари этиб Жеймс Милнер ап Виржил ван Дейк қолди.