Туриннинг “Ювентус” клуби ҳимоячиси Штефан Лихтштайнер фаолиятини “Ницца” клубида давом эттириши мумкин. Corriere dello Sport нашри тарқатган хабарга кўра швейцариялик футболчи француз жамоаси билан 2+1 кўринишидаги шартнома борасида келишувга эришган.

Маълумотларга кўра Массимилиано Аллегри “Милан”дан Маттиа Де Шильони жамоага олиб келгач, Лихтштайнернинг асосий таркибдаги ўрни сўроқ остида қолган. Ўз навбатида “кекса синьора” ҳам уни ушлаб турмоқчи эмас. Туринликлар Штефаннинг ўрнига муносиб номзод топиши билан уни сотиб юбормоқчи. Бу борадаги асосий номзод сифатида “Валенсия” аъзоси Жоау Канселу айтилмоқда.

Маълумот учун, Лихтштайнер “Ювентус” сафида жами 171та учрашувда майдонга тушган ва ўз ҳисобига 12та гол ёздириб қўйишга эришган. У шунингдек Турин супер клуби билан 6 марта А Серия ва 3 марта мамлакат суперкубогида зафар қучган.