"Локомотив" - "Ал Ваҳда" учрашувининг чипталари қанчадан сотилмоқда?

Бугун Осиё чемпионлар лигасининг гуруҳ босқичида "A" ва "B" гуруҳи жамоалари ўз иштирокларини бошлайди. Ўзбекистоннинг амалдаги чемпиони ўз майдонида БААнинг "Ал Ваҳда" клубини қабул қилади. Учрашув 16:00да старт олади.

"Локомотив" ўтган йил айнан шу жамоани 5:0 ҳисобида мағлуб этганди. Бугунги беллашувда ҳам "темирйўлчилар"дан умид катта.

Мазкур ўйин учун чипталар икки хил тоифада чиқарилган. Бу ҳақда клуб матбуот хизмати хабар берди. Биринчи тоифа чипта нархи 15 минг сўм. Иккинчи тоифа чипталар эса 8 минг сўмдан стадион кассасида сотилмоқда.