"Локомотив" аъзолари мактабгача таълим муассасида меҳмон бўлдилар

Бугун «Локомотив» футбол клуби делегацияси пойтахтимизнинг Мирзо Улуғбек туманидаги 14-сонли мактабгача таълим муассасида меҳмон бўлди.

Мактабгача таълим ёшдаги болаларни миллий қадриятлар асосида тарбиялаш дастури доирасида "Миллий қадриятлар қадр топган юрт болаларимиз" номи остида ўтказилган тадбирда жамоа бош мураббийи Денис Коростиченко, футболчилар Боян Найденов, Исломжон Қобилов, Самуэл Опеҳ, Симе Зузул ва Лазизбек Мирзаевлар иштирок этишди.

Сўзга чиққан футболчиларимиз ушбу тадбирда қатнашишдан боши осмонга етганини ва уларга келажакда спорт билан шуғулланиб, етук спортчилар бўлишини тилашди, - дея хабар бермоқда “Локомотив” матбуот хизмати.