"Локомотив" бош мураббий масаласида бир қарорга келди!

Кеча сайтимиз орқали “Локомотив” бош мураббийи Денис Коростиченко билан суҳбат чоп этилган бўлиб, унда мураббийнинг тақдири сўроқ остида қолганлиги, клуб раҳбарияти йиғилиш ўтказиб бир қарорга келиши хусусида гап борганди.

Бугун “Локомотив” раҳбарияти йиғилиш ўтказди. Маълум бўлишича, бош мураббий ўз вазифасида қолдирилган. Бу хусусида Коростиченко Sports.uz мухбирига маълум қилди.

“Йиғилиш бўлиб ўтди, ҳаммаси жойида, мен ўз жойимдаман. Биз трансферлар ва кейинги иш режаларини муҳокама қилдик. Раҳбарият эса менга ишонишини билдирди. Биз энди натижани янада яхшилашимиз керак. Ёзги йиғин давомида Тошкентда тайёргарлик кўрамиз ва 3 та назорат учрашувини ўтказишни режалаштирганмиз”, - деди бош мураббий.

"Сизга савол берсам майлими? "Локомотив"даги ишимни қандай баҳолайсиз? - Коростиченко истеъфо билан боғлиқ саволларга жавоб қайтарди