"Локомотив" жамоаси футболчиларига ўйин қоидалари бўйича семинар ўтказилди

Ўзбекистон футбол ҳакамлари маркази инструктори Александр Попов томонидан "Локомотив" жамоаси футболчиларига ўйин қоидаларидаги айрим ўзгаришлар юзасидан семинар ўтказилди. Унда замонавий футбол қоидаларида юз бераётган ўзгаришлар алоҳида тушунтириб ўтилди. Қолаверса, монитор орқали халқаро футбол майдонидаги учрашувларда ўйин қоидаси бузилишлари турли хил эпизодларда ҳавола қилиниб, футболчилар билан муҳокамалар қилинди.

Шунингдек, баҳс сўнгида ғалаба қозонаётган жамоанинг вақт чўзиш мақсадидаги айёрликлари бўйича ҳам тўхталиниб, футболчиларга тегишли кўрсатмалар берилди. Бу каби ҳолатлар клубларимиз савиясига ярашмаслиги ҳамда мухлисларда кескин эътирозлар юзага келиши мумкинлиги ҳақида айтиб ўтилди.

Семинар давомида жамоа аъзолари ўйин қоидаларидаги турли хил ракурслар орқали намойиш этилган баҳсли вазиятларда фаол қатнашиб, ўзаро фикр алмашишди.