"Локомотив" легионери жамоани тарк этди

"Ўтган мавсумда "Локомотив" таркибида ҳаракат қилган камерунлик форвард Жером Этаме жамоа билан хайрлашди.

2022 йилги мавсумда клуб таркибида 31 ўйинда қатнашиб, 8 гол ва 2 ассист қайд этган Этамега "темирйўлчилар" миннатдорлик билдирди ва унинг келгуси фаолиятига омадлар тилади. 

"Локомотив" навбатдаги мавсум учун селекция ишларини давом эттирмоқда. Таркибдаги ўзгаришлар, келган ва кетган футболчилар фақатгина клубнинг расмий сахифаси орқали эълон қилинади",-дея ёзмоқда тошкентликлар матбуот хизмати.