"Локомотив" сўнгги дақиқаларда ғалабани қўлдан чиқарди

Ўзбекистон Суперлигаси 14-туридан ўрин олган "Локомотив" - АГМК учрашуви ўз якунига етди. Унда томонлар 1:1 ҳисобидаги дурангга имзо чекди.

Ўйиннинг 84-дақиқасида Азизбек Амонов ҳисобни очди. Орадан кўп ўтмай, захирадан майдонга тушган Боаке тарози паллаларини тенглаштирди.

Шу тариқа, 2-поғонадаги олмалиқликлар очколари сонини 27 тага етказиб олди. "Темирйўлчилар" ҳисобида 19 очко мавжуд.

• 90+7'
  

  Учрашув якунланди. Шиддатли ўтган ўйинда кучлар тенг келди!

• 90+6'

  Жарима майдони ичида тўпни қабул қилиб олган Абдухолиқов мўлжалда адашди. Ўта қулай имконият қўлдан кетди.

• 90+5'

  Узоқ давом этган муҳокамалардан сўнг ҳакам майдон марказига ишорқ қилди. Гол!

• 90+2'

  Ҳакам ўз ёрдамчилари қароридан шубҳаланмоқда. Рисқуллаев ВАРни ўз кўзи билан кўриш мақсадида майдон четига келди.

• 90'
  

  Учрашувнинг асосий вақтига 5 дақиқа қўшиб берилди.

• 90'
  

  ГОООООООООООЛ! Ҳакам голни инобатга олди!

  ВАРдаги ёрдамчиларига қулоқ солган Рисқуллаев голни ҳаққоний, деб топди.

• 90'

  ВАРдаги ҳакамлар офсайд эҳтимолини кўриб чиқмоқда. Гол инобатга олиниши мумкин!

• 89'
  

  Мартин Боаке рақиб дарвозасини ишғол этди. Аммо ён ҳакам байроқчасини кўтариб турганди.

• 87'
  

  Фортеснинг зарбасидан кейин дарвозабон тўпни ушлаб олди.

• 86'
  

  Ҳозиргина ўйиндаги яггона гол муаллифига айланган Амонов ўрнига Мухторов майдонга тушди.

• 85'

  ВАРга қулоқ солган Рисқуллаев голни инобатга олди. Барчаси жойида!

• 84'
  

  ГОООООООООЛ! Учрашувда ҳисоб очилди!

  Абдухолиқовнинг зарбасидан кейин дарвозабондан қайтган тўпни Амонов дарвозага киритди.

• 83'
  

  Ғуломовнинг зарбасидан кейин Раҳимов тўпни қайтарди. Файзиевнинг такрорий уринишидан кейин тўп тўсиндан қайтди.

• 82'
  

  "Локомотив" бурчакдан тўпни ўйинга киритиш имкониятини қўлга киритди.

• 80'
  

  Ҳусниддин Ғофуров захирага олинди. Эдвин Фортес қолган вақт давомида унинг ўрнида ҳаракат қилади.

• 78'

  Санжар Турсуновнинг бош билан йўллаган зарбаси бироз ноаниқ кетди. Ўйинимизда хавфли вазиятлар сони ошмоқда.

• 77'
  

  Махарадзе ва Жалолиддинов ўрнига Рашидхонов ҳамда Абдуллаев ўйинга қўшилди.

• 75'
  

  Тўқнашувда жароҳат олган Абдухолиқов, Абдужалилов ҳамда Йўлдошевга тиббий ёрдам кўрсатилди.

• 74'

  Йўлдошевдан моҳирона ҳаракат. Бобур бирга-бир вазиятга чиқиб кетган Абдухолиқовни зарарсизлантирди.

• 73'

  Ўйин ҳар икки жамоанинг қарама-қарши ҳужумлари остида давом этмоқда. Гол урган томон ғалабани илиб кетишга яқин.

• 71'

  Ҳозиргина майдонга тушган Шоаҳмедов ўнг қанотдан ноаниқ узатма берди ва тўп йўқотди.

• 70'
  

  Дилшод Комилов ўз ўрнини Темурхўжа Абдухолиқовга бўшатиб берди.

• 69'

  Қосимов шогирдлари навбатдаги стандартдан наф чиқара олмади.

• 68'
  

  АГМК таркибида Шоаҳмедов ва Боаке майдонга тушди. Улар Касьян ҳамда Қосимовни алмаштирди.

• 66'

  Кахи жамоасига панд беришда давом этмоқда! Бу сафар у жарима майдони ичидан ноаниқ зарба берди.

• 65'

  Амонов бўш қолган дарвозага марказдан тўпни йўллашни ният қилди. Аммо Турсунов қоида бузиш эвазига тўхтатиб қолди. Рисқуллаев жим.

• 64'
  

  Рақибига нисбатан қоида бузган Ғулом-Ҳайдар огоҳлантирилди.

• 63'
  

  Ғуломовнинг олис масофадан берган зарбасини Раҳимов қайтарди.

• 63'

  Кахи жамоасининг ажойиб комбинациясини давом эттира олмади. Унинг пасидан кейин тўп ҳимоячилардан қайтди.

• 62'
  

  Жарима майдонига оширилган тўпга Раҳмонов офсайддан зарба берди.

• 61'

  Гадоевни ўтказиб юборган Жумабоев қоида бузди. АГМКда жарима майдонига пас бериш учун қулай нуқтада стандарт.

• 59'

  Азиз Амоновнинг зарбасига бироз аниқлик етишмади. "Локо" сезиларли даражада фаоллашди.

• 58'

  Жасур Жалолиддиновнинг ажойиб рейди хавфли зарба билан якунланди. Аммо тўп тўсин юқорисидан ўтиб кетди.

• 56'

  Курашлар асосан, майдон марказида кечмоқда.

• 54'
  

  Дарвозабон билан деярли бирга-бир вазиятга чиқиб борган Амонов офсайдда қолиб кетганди.

• 53'

  Ўйинда кескинлик тобора ошмоқда. Футболчилар майдонда борини беряпти.

• 51'

  Жалолиддиновнинг стандартдан етказиб берган тўпини ҳимоячилар узоқлаштирди.

• 49'

  Бобур Йўлдошевнинг яқин масофадан берган зарбаси ноаниқ кетди.

• 49'

  Аҳмадалиевга нисбатан ишлатилган қўполлик натижасида меҳмонлар стандарт вазиятга эга бўлди.

• 48'
  

  Ҳимоячи Жумабоевдан сейв! Жалолиддин Касьяннинг зарбасидан кейин бўш қолган дарвозага кириб кетаётган тўпи қайтариб қолди.

• 47'

  Яна илк ҳужум "Локо"да. Бу сафар Махарадзенинг ноаниқ паси жамоаси уринишини барбод қилди.

• 46'
  

  Иккинчи тайм бошланди!

• 46'
  

  Бўлимлар оралиғида Қосимов ўзгариш амалга оширди: Тошматов ўз ўрнини Гадоевга бўшатиб берди.

• 46'

  Футболчилар майдонга қайтди. Биз ҳам қайтамиз!

• 45+2'
  

  Биринчи бўлимда ҳисоб очилмади. Танаффус!

• 45+2'
  

  Жарима майдонига оширилган тўпга зарба беришни мақсад қилган Жалолиддинов қўполлик ишлатди. Ҳакам уни огоҳлантирди.

• 45+1'
  

  Амоновнинг узатмасидан кейин Раҳмонов тўпни майдон ташқарисига чиқариб юборди. 

• 45+1'
  

  Санжар Қодирқуловга сариқ карточка кўрсатилди.

• 45'
  

  Биринчи таймга 1 дақиқа вақт қўшиб берилди.

• 44'
  

  Ғофуров берган пасга Касьян ета олмади. Камига, Александр ўйиндан ташқари ҳолатда эди.

• 43'
  

  Турсунов ҳамда Амонов ўзаро тортишиб кетди. Ҳакам қоида бузган Азизни огоҳлантирди.

• 42'
  

  Бурчакдан оширилган тўпни Раҳмонов шеригига ташлаб берди. Аммо ҳимоячилар тўпни узоқлаштирди.

• 41'

  Тошматовнинг зарбасидан кейин ҳимоячига теккан тўп майдон ташқарисига чиқиб кетди.

• 38'

  Охирги 2-3 дақиқада тўп меҳмонлардан ортмаяпти.

• 36'

  Жарима майдонига оширилган тўпга Йўлдошев бироз ета олмади. Футболчилар фаолликни оширди.

• 35'

  "Темирйўлчилар" яхши комбинация уюштирди. Аммо сўнгги пасни берган Махарадзе ижрода хатога йўл қўйди.

• 34'

  Санжар Турсунов бироз асабларини жиловлаб олиши зарур. Рисқуллаев бу борада у билан гаплашиб олди.

• 33'

  Ўткир бурчакдан Қодирқуловнинг берган зарбаси бироз ноаниқ кетди.

• 31'

  Жарима майдони марказига оширилган тўпга Касьян бироз ета олмади.

• 29'
  

  Ғофуровнинг аниқ зарбасидан кейин Абдужалилов тўпни қайтарди.

• 28'

  Жокичга нисбатан ишлатилган қўполлик натижасида меҳмонлар қулай вазиятни қўлга киритди.

• 27'

  Санжар Турсуновнинг жарима майдони ташқарисидан йўллаган зарбасига бироз аниқлик етишмади.

• 25'

  Сўнгги дақиқаларда АГМК босимни оширмоқда. "Локо" футболчилари Раҳимов дарвозаси олдида кам кўриниш беряпти.

• 23'

  Қодирқуловнинг бироз кучли узатмасига Амоновдан олдин дарвозабон етиб келди.

• 21'

  Шу пайтгача тўп назоратига урғу берган олмалиқликлар энди кўпроқ олдинга ўтмоқда.

• 19'

  Ўйин яхши темпда давом этмоқда. Бироқ ҳужумлар сони анча кам.

• 17'

  Жалолиддинов яхши ўйлади ва тўпни Раҳмоновдан ўтказди. Аммо Сардор спринтерлик пойгасида Жасурдан чаққонроқ чиқди.

• 15'
  

  Касьян билан тўқнашувда Қобилов жароҳат олди. Унга тиббий ёрдам кўрсатилмоқда.

• 14'
  

  Тезликда Қодирқуловга мағлуб бўлган Қосимов уни қўполлик эвазига тўхтатиб қолди. Ҳакам уни огоҳлантирди.

• 13'

  Қосимов шогирдлари ўз ярим майдонида тўпни назорат қилиш орқали рақибни кўпроқ югуришга мажбур этяпти.

• 11'

  Жамоалар эҳтиёткор футболни маъқул кўрмоқда. Ўйин қиймати буни тақозо қиляпти.

• 9'

  "Локо"нинг узоқ давом этган позицион ҳужуми Файзиевнинг ноаниқ узатмаси туфайли барбод бўлди.

• 8'

  АГМК ҳимоячилари рақиб ҳужумларини тактик фоллар эвазига тўхтатмоқда. Жалолиддинов иккинчи бор вазият қурбони.

• 6'

  Акром бу сафар жарима майдони ташқарисидан дарвозани нишонга олди. Тўп тўсин юқорисидан ўтиб кетган бўлсада, вазият анча хавфли чиқди.

• 5'

  Комиловнинг кучли узатмаси жамоаси ҳужуми эрта якунланишига сабаб бўлди.

• 4'
  

  Ҳар икки жамоа ҳимоячилари тартибли ҳимояланмоқда. Бу сафар Касьян ўйиндан ташқари ҳолатда.

• 3'

  Олмалиқликлар тўп назоратини қўлга олишга ҳаракат қиляпти.

• 1'

  Илк сониялардан олдинга ўтган Амонов офсайдда қолиб кетди. Яхши старт!

• 1'
  

  Учрашувга старт берилди!

• 0'

  Бугунги супер ўйин иштирокчилари майдонга тушиб келди. Баҳс бир неча дақиқалар ичида старт олади.