Льорис жамоадоши учун афсусда

Франция терма жамоаси дарвозабони Уго Льорис Англия устидан қозонилган ғалаба (2:1) ва жамоадошининг омадсиз ўйини ҳақида гапирди.

Льорис «Тоттенхэм»даги жамоадоши Харри Кейннинг 84-дақиқада пенальтини амалга ошира олмаганидан афсусда.

"Мен ғалабадан жуда хурсандман. Бироқ ҳафсаламни пир қилган ҳолат Кейннинг иккинчи пенальтиси бўлди. Бу эпизодни кўрганимдан афсусдаман", - деди Льорис.

Эслатиб ўтамиз, Льорис терма жамоаси сафида ўйинлар сони бўйича ягона рекордчига айланган эди (143). Унинг жамоаси ярим финалда Марокашга қарши баҳс олиб боради.