Лорис Кариус "Бешиктош"дан кетмоқчи

"Ливерпул"нинг "Бешиктош"да ижара шартномаси бўйича тўп сураётган дарвозабони Лорис Кариус турк клубини тарк этиш ниятида.

26 ёшли германиялик футболчи ўзининг агенти орқали янги клуб излаш ишларини бошлаб юборди, дея хабар бермоқда Fanatik.

Маълумотларга кўра, Кариус "Бешиктош" клуби муҳлислари томонидан Туркия Кубоги 1/8 финал ўйинида "Эрзурум" клубига қарши ўйинда қилинган хуштакбозлик сабаб клубдан кетишга қарор қилган.