Лос-Анжелес-2028 Олимпия ўйинларининг саналари маълум

Хабарингиз бор, 2028 йил АҚШнинг Лос-Анжелес шаҳрида Олимпия ва Паралимпия ўйинлари бўлиб ўтади. Бугун мусобақа ташкилий қўмитаси Ўйинларнинг ўтказиладиган саналарини маълум қилди.

Унга кўра, Олимпия ўйинлари 14-30 июль, Паралимпия ўйинлари эса 15-27-август кунлари бўлиб ўтади.

Ушбу саналар Халқаро Олимпия қўмитаси президенти Томас Бахнинг Ўйинлар учун ташкил этилган штаб-квартирага ташрифи давомида белгиланди.