Луис Энрике: Биз Германияни мағлубиятга учратмоқчимиз

Испания терма жамоаси бош мураббийи Луис Энрике бугун бўлиб ўтадиган Германияга қарши ўйиндан олдин ўз фикрларини билдириб ўтди.

“Мақсадимиз – ҳар бир ўйинда ғалаба қозониш ва очко қўлга киритиш. Мен буни хоҳлайман ва футболчиларни ҳам шунга ундайман. Германия - кучли ва юқори даражали жамоа. Улар Европа чемпионатининг фаворитларидан бири ҳисобланади, аммо биз уларни ютмоқчимиз. Менга Миллатлар лигаси ёқади ва терма жамоалар билан ишлашни яхши кўраман”, - дейди испаниялик мутахассис.

Германия – Испания беллашуви бугун Тошкент вақти билан соат 23:45 да бошланади.