Луис Энрике машҳур тўпурарнинг ПСЖга келишига йўл қўймади

ПСЖ бош мураббий Луис Энрике клубнинг трансфер сиёсатида ўз ўрни борлигини кўрсатиб қўйди.

Килиан Мбаппе кетганидан кейин клуб раҳбарияти жамоага машҳур тўпурарлардан бирини  олиб келишга ҳаракат қилмоқда. Нишонда “Наполи” ҳужумчиси Виктор Осимхен ҳам бор эди.

Нигерлиялик тўпурар Парижга кўчиб ўтиш мақсадида Англия грандларидан бўлган чорловларга рад жавобини берди.

Бироқ испаниялик мураббий ўз жамоасига Виктор Осимхенни қўшишдан бош тортди.

Луис Энрикега 25 ёшли ҳужумчининг ўйини ёқмайди. Қолаверса, тажрибали мураббий бу футболчи у қўллаётган ўйин услубига мос тушмаслигини таъкидлаяпти.