Луис Энрике нега Испания терма жамоасига "Реал"дан бирорта ҳам футболчи жалб этилмаганини тушунтирди

Испания терма жамоаси бош мураббийи Луис Энрике нега “Евро-2020”га борадиган таркибга “Реал”дан бирорта ҳам футболчи киритилмаганига изоҳ берди.

“Агар Карвахаль ва Рамоснинг аҳволи яхши бўлганида, мен уларни чақирган бўлардим. Улар жароҳатлар туфайли у таркибда йўқ.

Начо? Шубҳасиз, у юқори даражада ўйнади. Аммо мен фақат 24 нафар футболчини олишни хоҳладим, бу менинг қарорим. Гарчи терма жамоага чақиришга муносиб футболчилар яна бўлса ҳам”, - деди Энрике.

Испания терма жамоаси Европа чемпионатининг “Е” гуруҳида баҳсларга киришади. Ушбу гуруҳда Швеция, Польша ва Словакия терма жамоалари ҳам жой олган.