Лукаку "Челси"ни оғир аҳволда ташлаб кетмоқчи

"Челси" футболчиси Ромелу Лукаку жамоадан кетиш фикридан қайтмаган. У ҳамон Италияга қайтишни истамоқда. 

"La Gazzetta dello Sport" нашрининг хабар беришича, бельгиялик иқтидор эгаси "Интер"га ўтишни режалаштиряпти. Унга "Челси" учун белгиланаётган санкциялар маъқул келмаяпти. 

Агар у Милан клубига ўтишни хоҳласа, маоши қисқаришига рози бўлиши керак. Ҳозирда Лукаку "аристократлар" сафида 12,5 миллион евро маош олади. Миланликлар ҳужумчига 7,5 миллион евродан кўп маош бермоқчи эмас.

Маълумот ўрнида, Ромелу Лукаку жорий мавсум АПЛнинг 18 учрашувида 5 гол ва 1 ассистни ўз номига ёздириб қўйган.