Люк Шоу ва Сульшер жазоланадими?

"Манчестер Юнайтед" қанот ҳимоячиси Люк Шоу ва бош мураббий Уле-Гуннар Сульшер АПЛ 26-тури "Челси"га қарши ўйиндан (0:0) кейин билдирган фикрлари учун жазоланмайдиган бўлди. Бу ҳақида британиялик журналист Саймон Стоун хабар бермоқда

"Англия Футбол Федерацияси вазиятни ўрганиб чиқиб, Шоу ва Сульшерга нисбатан чора кўрмасликка қарор қилди", - дейилган журналист хабарида.

Эслатиб ўтамиз, англиялик ҳимоячи "Челси"га қарши баҳсдан сўнг учрашув бош ҳаками ва "қизил иблислар" сардори ўртасида пенальти билан боғлиқ сўзлашув ҳақида гапириб ўтган эди.