Мадрид клуби "Челси" футболчиси атрофидаги вазиятни кузатмоқда

"Атлетико Мадрид" "Челси" билан Галлахер борасида музокаралар олиб бормоқда.

Фабрицио Романонинг хабар беришича, Мадриднинг “Атлетико” клуби “Челси” билан ярим ҳимоячи Конор Галлаҳерни сотиб олиш борасида музокаралар олиб бормоқда.

Айтилишича, “Челси” талаб қилган тўловни қўшган ҳолда умумий трансфер суммаси 40 миллион евро бўлиши кутилмоқда. Англиялик футболчи "Атлетико"нинг ёзги трансфер мақсади бўлиб, келишув яқинлашмоқда.

Маълумот ўрнида, Галлаҳерни АПЛ клуби билан шартномаси 2025 йил 30 июнга қадар мўлжалланган. Конор "Аристократлар" сафида 95 та ўйинда ҳаракат қилиб 10 та гол ва 10 та ассистни ўз ҳисобига ёздириб қўйган.