Мадридликлар белгилаган нарх “Ливерпуль”ни қўрқитиб юборди

“Ливерпуль” келаси ёз таркибини Хулиан Альварес билан кучайтирмоқчи эди. Илгари “Манчестер Сити”да ўйнаган ва Эрлинг Холанд соясида қолиб кетишни истамаган аргентиналик юлдуз “Атлетико”дан қўним топганди.

25 ёшли Альвареснинг мадридликлар сафига кўчиб ўтганидан кейин ишлари янада юришиб кетди. У жорий мавсумда 44 та учрашувда рақиблар дарвозасини 23 маротаба ишғол қилди ва бешта голли пас узатди.

“Ливерпуль” Хулиан Альваресга жиддий қизиқаётганига қарамай,  Диего Симеоне ўз ҳамюртини қўйиб юбормоқчи эмас. У Хулианни 33 ёшли Антуан Гризманнинг ўрнига асосий ҳужумчига айлантиришни режалаштирган.

Шу боис, “Атлетико” раҳбарияти Хулиан Альваресни қўйиб юбориш учун англияликлардан ўта катта сумма – 200 миллион  евро талаб қилмоқда.