Мадридликлар Италиядан ҳужумчи олиб келди

Мадриднинг “Атлетико” клуби расмий сайти орқали ҳужумчи Жонатан Дэвидни “Ювентус”дан 2026/2027 йилги мавсум охирига қадар ижарага олганини маълум қилди.

Аввалроқ журналист Фабрицио Романо 26 ёшли ҳужумчининг ижара шартномасида футболчини сотиб олиш опцияси борлигини хабар қилган эди.

Дэвид “Ювентус” таркибида 2025 йил ёзидан буён ҳаракат қилган. Шу вақт давомида канадалик ҳужумчи барча мусобақаларда 47 та ўйинда иштирок этиб, 8 та гол урди ва 5 та голли узатма берди.

Футболчининг Турин клуби билан амалдаги шартномаси 2030 йил ёзига қадар амал қилади.

Transfermarkt маълумотларига кўра, футболчининг бозор қиймати 30 миллион еврога баҳоланган.