Маҳмудхожиевнинг хизматига Малайзия ва Тожикистон чемпионидан жиддий қизиқиш бор

2022 йилги мавсумни Тожикистоннинг “Хўжанд” клубида бошлаб, иккинчи даврадан Самарқанднинг “Динамо” клубига кўчиб ўтган ва шартномаси тугагани сабабли жамоани тарк этган Шохруҳ Маҳмудхожиев янги мавсумни қайси клубда бошларкин?

Sports.uz маълумотига қараганда, ушбу ўйинчининг хизматига Тожикистоннинг амалдаги чемпиони – “Истиқлол” клубидан жиддий қизиқиш бўлмоқда. Юқорида айтиб ўтганимиздек, Маҳмудхожиев биринчи даврани Тожикистоннинг бошқа бир клуби – “Хўжанд”да ўтказгани боис у ердаги мухлис ва мутахассисларда ўзидан яхши таассурот қолдира олди. Шунинг учун энди “Истиқлол” футболчимиз билан шартнома имзоламоқчи.

Шунингдек, Маҳмудхожиевни Малайзия клуби ҳам ўз сафида кўриш истагида. Лекин ҳозирча футболчи четга кетишга шошилаётгани йўқ. Унга Суперлигамизнинг бир қатор клубларидан таклифлар бор. Тез орада Шохруҳ янги мавсумни қаерда ўтказиши борасида бир қарорга келиши кутилмоқда.

"Шипилов клубда ишлаганида Суперлигада қолиш имконияти кўпроқ эди, Абрамовни қанақа тактикада ўйнамоқчилигини тушунмадик" ёхуд Шохруҳ Маҳмудхожиев "Динамо"дан кетди!