Мактоминей Хойлундга қўнғироқ қилиб, "Наполи"га ўтишни маслаҳат берди

Аввалроқ "Наполи" "Манчестер Юнайтед"дан Расмус Хойлундни ижарага олиш бўйича келишувга яқин экани хабар қилинган эди. Унда маълум шартлар бажарилса, сотиб олиш мажбурий бўлиши ҳам мумкин.

"Corriere dello Sport" нашрининг ёзишича, ўтган ёзда МЮдан "Наполи"га ўтган Мактоминей Хойлундга қўнғироқ қилиб, трансферга рози бўлишга ундаган. Бундан ташқари, собиқ жамоадоши билан суҳбат даниялик футболчи қарорига ҳал қилувчи таъсир кўрсатиши мумкинлиги қайд этилган.

Манбаларга кўра, "Манчестер Юнайтед" Xойлунднинг ижарасини 5 миллион еврога баҳоламоқда, унинг сотиб олиш нархи эса 40 миллион еврони ташкил қилиши мумкин.