Манба: Бензема — 2022 йилги "Олтин тўп" соҳиби

“Реал” ҳужумчиси Карим Бензема 2022 йилда “Олтин тўп”ни аллақачон қўлга киритган, дея хабар берди "Goal" нашри. Қолаверса, француз иккинчи ўриндаги футболчи билан тарихдаги энг катта фарқ билан совринга эга чиқади.

Эслатиб ўтамиз, Бензема ўтган мавсумда Испания Ла Лигаси ва Чемпионлар Лигасининг энг яхши тўпурари бўлганди.

“Олтин тўп”нинг амалдаги соҳиби Лионель Месси бу йилги совринга даъвогарларнинг кенгайтирилган рўйхатига киритилмаган.

Ҳозир 180 нафар журналист “Олтин тўп” учун овоз беришда иштирок этмоқда.

Сайловчилар рўйхатдан беш нафар ўйинчини танлайдилар ва овоз бериш натижасига кўра жойлашади.