Манба: Дибала янги жамоаси билан келишувга эришди

"Ювентус" собиқ футболчиси Пауло Дибала А Сериянинг бошқа бир жамоаси билан келишиб олди. Бу ҳақда "Football Italia" нашри хабар берди. 

Манбага кўра, аргентиналик иқтидор эгаси "Интер" билан 4 йиллик шартномага розилик билдирган. Унинг маоши йилига 8 миллион еврони ташкил этади. 

Ҳужумчи фақат расмий шартномага қўл қўйиши ва тиббий кўрикдан муваффақиятли ўтиши керак, холос. У Милан клубига эркин агент сифатида кўчиб ўтади.

Пауло якунланган мавсум А Сериянинг 29 ўйинида 10 гол ва 5 ассистни ўз ҳисобига ёздириб қўйган.