Манчестер бугун мовий рангда ёхуд "Сити" дербида ишончли ғалабани қўлга киритди

АПЛ 28-туридан ўрин олган "Манчестер Сити" - "Манчестер Юнайтед" учрашуви якунига етди. Мазкур баҳсда мезбонлар 4:1 ҳисобида рақибдан устун келди. 

"Шаҳарликлар" сафида Де Брюйне ҳамда Маҳрез дубль муаллифига айланди. Манкуниаликлардан Санчо гол уришга муваффақ бўлди. 

Очколари сонини 69 тага етказиб олган Гвардиола шогирдлари АПЛ турнир жадвалида пешқадамлик қилмоқда. 47 очкоси бор "қизил иблислар" 5-поғонадан жой олган.