"Манчестер Сити" АПЛ чемпионлиги унвонидан маҳрум бўлиши мумкин

"Манчестер Сити" раҳбариятининг молиявий фирибгарликлари аниқланганидан сўнг, УЕФА манкунианликларни икки мавсум давомида еврокубоклардаги иштирокини таъқиқлаб қўйган эди.

Daily Mail нашри хабарига кўра, энди "шаҳарликлар" 2013/14-мавсумдаги Англия чемпионати унвонидан ҳам маҳрум қилиниши мумкин.

Премьер-лига қонун қоидасига кўра, клубларнинг ташкилотга берган молиявий маълумотлари УЕФАга тақдим қилинган талқинига мос келиши керак бўлади. Бироқ, "Манчестер Сити"нинг 2012-йилдан 2016-йилгача бўлган даврдаги молиявий маълумотларида турли фирибгарликлар аниқланган.

Ушбу хабар бўйича АПЛнинг баёноти эълон қилинганича йўқ.