"Манчестер Сити" "Барселона" футболчисини АПЛга қайтармоқчи
"Барселона" аъзоси Рафинья Англия Премьер лигасига қайтиши мумкин.
Испан ОАВ хабарига кўра, "Манчестер Сити" уни ўз таркибига қўшиб олмоқчи. Ўз навбатида, каталонияликлар ҳам бу трансферга қарши эмас. Боиси, вингер бош мураббий Хави Эрнандеснинг услубига мос келмади.
Рафиньяга "Туманли Альбион" бегона эмас. У 2020-2022 йиллар оралиғида "Лидс" шарафини ҳимоя қилган. Футболчининг трансфер баҳоси 50 миллион еврога тенг.
26 ёшли ҳужумчи жорий мавсум "кўк-анорранглилар" либосида 19 учрашувда майдонга тушиб, ўз ҳисобига 2 гол ва 4 ассистни ёздириб қўйишга муваффақ бўлган.
Фикрлар