"Manchester Siti" "Barselona" iqtidorini nishonga oldi

"Manchester Siti" "Barselona" hujumchisi Ansu Fati bilan shartnoma imzolamoqchi. "El Nacional" nashri xabariga ko‘ra, futbolchining o‘zi Kataloniya klubida kam o‘yin amaliyotiga ega bo‘lgani uchun ingliz grandiga o‘tishga qarshi emas. 

Joriy mavsumda “ko‘k anorranglilar”ning 19 yoshli hujumchisi barcha musobaqalarda 13 ta o‘yinda maydonga tushib, atigi 2 ta gol va 3 ta golli uzatmani amalga oshirdi. Fatining "Barselona" bilan amaldagi shartnomasi 2027 yilning yoziga qadar tuzilgan. "Transfermarkt" nashri hujumchining narxi 60 million evroga baholagan.

Eslatib o‘tamiz, Fati terma jamoa safida to‘rtta o‘yin o‘tkazib, bitta gol urgan.