"Manchester Siti" braziliyalik yarim himoyachini sotib olmoqchi

"Manchester Siti" "Vest Xem" a’zosi Lukas Paketani sotib olishga harakat qilmoqda. Klub 70 million funtlik taklif bilan chiqdi, deya xabar berdi insayder Fabritsio Romano. 

Jurnalistning ta’kidlashicha, "shaharliklar" yana taklif bilan chiqadi. "Bolg‘achilar" bu transferdan 85 million funt ishlab olishni reja qilgan. Paketa ham Gvardiola qo‘l ostida to‘p tepishni istamoqda. 

Ma’lumot uchun, Lukas bir yil oldin "Lion"dan 43 million evro evaziga londonliklar safiga kelib qo‘shilgan. O‘tgan mavsum futbolchi "Vest Xem" tarkibida 43 ta o‘yinda maydonga tushib, 12 ta golda ishtirok etdi.