"Манчестер Сити" Франциядан зўр ҳимоячи топди

"Манчестер Сити" клуби "Марсель" ҳимоячиси Бубакару Камарани ўз сафига қўшиб олмоқчи. Бу ҳақда Foot Mercato нашри хабар бермоқда.

Юқоридаги манбага кўра, “шаҳарликлар” 20 ёшли франциялик футболчини мавсумлар оралиғида қўлга киритишга уруниб кўришмоқчи. Ушбу трансфер эса 35 млн еврога баҳоланмоқда.

Камара “Марсель” тарбияланувчиси ҳисобланади. У жорий мавсум 28 та ўйинда майдонга тушди ва ўз ҳисобига 2 та гол ҳамда 2 та голли узатма ёздириб қўйишга эришди. Унинг клуб билан амалдаги шартномаси эса 2022 йилга қадар имзоланган.