"Манчестер Сити" кетма-кет иккинчи турда очко йўқотди

Англия премьер-лигаси 4-туридан ўрин олган "Лидс" ҳамда "Манчестер Сити" жамоалари ўртасидаги учрашув ўз якунига етди. Унда жамоалар 1:1 ҳисобидаги дурангга имзо чекишди. 

Биринчи таймда Стерлинг томонидан киритилган тўпга иккинчи бўлимда Родриго жавоб қайтарди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'

  Де Брйне жаримадан тўпни айлантириб шерикларига узатди. Аммо ҳимоячи тўпни дарвозабонга ташлаб берди. Сал бўлмаса ушбу узатма автоголга ҳам айланиб кетиши мумкин эди.

• 90+'
  

  Дэвис сариқ карточка олди.

• 90+'
  

  Асосий вақтга 3 дақиқа қўшиб берилди.

• 86'

  Бэмфорд бирга-бир вазиятдан фойдалана олмади.

• 82'

  Майк Динь "Сити" футболчиларининг оҳ-воҳларига қарамай, пенальти бермади. Тўп қўлга тегди. Аммо ҳакамнинг фикрича, қўл табиий ҳолатда турганди.

• 80'

  Силванинг зарбаси ноаниқ кетди.

• 77'
  

  Маҳрез ҳам ўз ўрнини Фернандиньога бўшатиб берди.

• 77'
  

  Клих ўрнига Дэвис майдонга тушди.

• 74'

  Бэмфорднинг зарбасини сўнгги паллада Эдерсон дарвозага киришига имкон бермади.

• 71'
  

  Менди ўрнига Аке майдонга тушди.

• 70'
  

  Родригонинг зарбасидан сўнг Эдерсон яхши сейв намойиш этди.

• 67'

  Маҳрез бир нечта алдамчи ҳаракатлардан сўнг яна дарвозани ўққа тутди. Яна аниқлик етишмади.

• 66'

  Маҳрезнинг жарима майдони ташқарисидан берган зарбаси ноаниқ кетди.

• 65'
  

  Торрес ўрнига Бернарду Силва майдонга ташланди.

• 63'

  Гол уриб, руҳияти кўтарилган "Лидс" яна олдинга бормоқда.

• 59'
  

  ГОООООООООООООЛЛЛЛЛЛЛЛЛЛЛЛ!!! Родриго ҳимоячиларнинг хатосидан фойдаланиб кетди.

• 55'

  Коштанинг узатмаси ноаниқ чиққани сабаб "Лидс" ҳужуми тўхтатилди.

• 52'

  Эйлинг жарима майдонига узатган тўпни ҳимоячилар бартараф этди.

• 50'

  "Лидс" сўнгги дақиқани орқа чизиқда тўпни назорат қилиш билан ўтказди.

• 47'
  

  Алиоски Поведа ўрнига майдонга тушди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи тайига 1 дақиқа қўшиб берилди.

• 43'

  Тайм сўнгида майдон "Лидс" фаоллашди.

• 40'

  Маҳрез ҳужумда фол ишлатди.

• 38'

  Тўп "шаҳарликлар"да. Ҳозирча хавфли вазиятлар кузатилмаяпти.

• 35'

  Маҳрез чап қанотда фаол. Бугун у Торрес билан қанотларни алмашиб ўйнамоқда.

• 34'

  Ферран Торреснинг жарима майдонига узатган тўпини "Лидс" дарвозабони ушлаб олди.

• 32'
  

  Стерлинг офсайдда. Менди унга тўп узатишга кечикди.

• 31'

  Қанотдан узатилган навбатдаги тўп ҳам "Сити" марказий ҳимоячилари томонидан қайтарилди.

• 28'

  Кохнинг жарима майдонига узатган тўпини Эдерсон иккинчи урунишда ушлаб олди.

• 25'

  "Лидс" сўнгги дақиқаларда фаоллашиб қолди. Аммо қанотдан уюштирилаётган ҳужумлар охирига етмаяпти.

• 22'

  Фоден Стерлинг узатган тўпни дарвозага аниқ йўллай олмади. 

• 21'

  Стерлингнинг яна бир зарбасини ҳимоячилар қайтариб қолди.

• 17'
  

  ГОООООООООООООЛЛЛЛЛЛЛЛЛЛЛЛЛ!!! Стерлингнинг рейди ва зарбаси ажойиб кўриниш олди. Дарвозабон тўпни қайтара олмасди.

• 14'

  "Лидс"нинг ҳужуми зарба билан якун топди. Аммо жарима майдони марказида бош билан берилган зарба ноаниқ кетди.

• 11'

  "Лидс" футболчиларининг хатосидан сўнг, Де Брюйне яхши позицияга чиқиб борди. Аммо зарба йўлини ҳимоячилар ўзгартириб юборишга эришди.

• 8'

  Ваниҳоят, "Лидс" босим уюштира бошлади.

• 6'

  "Лидс" ҳимоячилари кетма-кет ҳужумларни қайтаришмоқда. Аммо қарши ҳужумлар кузатилмаяпти.

• 3'

  Де Брюйне жарима зарбасидан масофа узоқ бўлса ҳам зарба берди. Тўп дарвоза устунига тегди.

• 2'

  Стерлинг ҳам жарима майдони ташқарисидан дарвозани нишонга олди. Ноаниқ.

• 1'

  Уокернинг жарима майдони ташқарисидан берган зарбаси ноаниқ кетди.

• 1'
  

  Ўйин бошланди.

• 0'

  Жамоалар майдонга тушиб келишди.

• 0'

  Ассалому алайкум, инглиз футболи ихлосмандлари. "Лидс" ва "Манчестер Сити" клублари 4-тур доирасида курашга киришади. Ушбу учрашувни матнли трансляцияда Абдулвосид Валихонов эътиборингизга ҳавола этади.