“Манчестер Сити” машҳур юлдузидан қутиладиган бўлди

“Манчестер Сити” ҳужумкор футболчиси Жек Грилиш жорий мавсум якунланганидан кейин клубни тарк этиши кутилмоқда.

TEAMtalk нашрининг маълум қилишича, “Манчестер Сити” бу ўйинчидан қутилиб, унинг ўрнини бўшатмоқчи. “Шаҳарликлар” Грилишни харидор чиқса, қишки трансферлар вақтида ҳам сотиб юборишга тайёр.

Клуб мутасаддилари Жек Грилишнинг трансфер суммаси кескин тушиб кетаётганлигидан хавотирда.

Жек “Астон Вилла”да ўйнаган вақтида Англия Премьер-лигасининг энг қимматбаҳо ўйинчиларидан бўлган. Манчестерликлар 2021 йилнинг ёзида Грилиш учун 117,5 миллион евро миқдорида трансфер пули тўлаган эди. 29 ёшли футболчи “шаҳарликлар” сафида кутилган ўйинни намойиш қила олмаяпти.

Грилишнинг амалдаги шартномаси 2027 йилнинг ярмигача давом этади. Ҳозирги пайтда Transfermarkt портали уни 55 миллион еврога баҳоламоқда.