"Манчестер Сити" клуби ўзининг расмий сайти орқали бельгиялик ярим ҳимоячи Кевин де Брюйне билан амалдаги шартномани узайтирганини эълон қилди.

Хабарда ёзилишича, 29 ёшли футболчи ва “шаҳарликлар” ўртасида имзоланган янги келишув 2025 йилга қадар мўлжалланган. Айтиш керакки, аввалги шартнома 2023 йилга қадар имзоланган эди.

Де Брюйне "Манчестер Сити" сафида 2015 йилдан буён тўп суриб келмоқда. У ўтган давр мобайнида жами 255 та ўйинда майдонга тушди ва ўз ҳисобига 65 та гол ҳамда 105 та голли узатма ёздириб қўйишга эришди.

Кевин “Сити” сафида икки марта Англия чемпиони, 4 марта Англия лига кубоги ва 1 марта Англия кубоги соҳиби бўлди. Бундан ташқари, 2 марта Англия Суперкубогини ҳам боши узра кўтаришга муваффақ бўлди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар