"Манчестер Сити" ўз майдонида Чемпионлар лигасида 25 учрашувда мағлуб бўлмаган

"Манчестер Сити" Чемпионлар лигасида инглиз клублари ўртасида рекорд ўрнатди.

Чемпионлар лигаси 1/4 финалининг илк учрашувида "шаҳарликлар" ўз майдони - "Этиҳад"да "Бавария"ни қабул қилди ва   3:0 ҳисобида ғалаба қозонди. Ушбу ўйиндан сўнг, "Манчестер Сити"нинг ушбу турнирдаги ўз уйидаги мағлубияциз серияси 25 учрашувга етди - 23 ғалаба, 2 дуранг.

Бу инглиз клублари учун рекорд кўрсаткичдир. Бу ўйинлардаги умумий тўплар фарқи 81:19 "Манчестер Сити" фойдасига.

Эслатиб ўтамиз, "Бавария" ва Гвардиола шогирдлари ўртасидаги жавоб учрашуви 19 апрель куни Мюнхенда бўлиб ўтади.