"Манчестер Сити" рад жавобини олди

"Брайтон" клуби раҳбарияти жамоанинг чап қанот ҳимоячиси Марк Кукуреля бўйича "Манчестер Сити"нинг юборган биринчи таклифини рад этди.

Журналист Девид Орнштейннинг ёзишича, “шаҳарликлар” футболчи учун 35 миллион евро таклиф қилишган. Аммо “чайкалар” футболчини сотишдан 59 миллион еврога яқин даромад олишни мақсад қилишган.

Айни дамда бу борадаги музокаралар дастлабки босқичда ва яқин кунларда яна давом этиши кутилмоқда.

Кукуреля ўтган мавсум “Брайтон” сафида жами 35 та ўйинда майдонга тушди ва 1 та гол урди. Инглиз клуби уни 2021 йилнинг ёзида "Хетафе"дан сотиб олган эди.