"Манчестер Сити" раҳбарияти "Барселона"га: Бизни аҳмоқ қилолмайсизлар

"Манчестер Сити" клуби раҳбарияти "Барселона"нинг Жоау Канселу эвазига Нельсон Семедуни бериш ҳақидаги таклифини рад этди.

Marca нашри тарқатган хабарга кўра, “шаҳарликлар” Канселунинг нархи Семедуникидан қимматроқ эканини айтишган ва шу боис уларни алмаштириш мантиқан тўғри эмас, деб ҳисоблашган.

25 ёшли Канселу жорий мавсум “Манчестер Сити” сафида 24 та ўйинда майдонга тушиб, ўз ҳисобига 1 та гол ҳамда 1 та голли узатма ёздириб қўйишга эришган. 26 ёшли Семеду эса 29 та ўйинда иштирок этди ва “Барселона”нинг 5 та голига муаллифлик қилди.