"Манчестер Сити"нинг голида ҳакамлар хато қилди

ЕЧЛ ярим финал "Реал" - "Манчестер Сити" учрашувида кучлар тенг келди. Дастлаб Винисиус ҳисобни очган бўлса, Де Брюне имкониятларни тенглаштирди. Қизиқарлиси, мазкур гол ҳисобга олинмаслиги ҳақда ўйиндан кейин Карло Анчелотти гапириб ўтди.

Гол урилишидан бироз аввал Бернарду чиқиб кетаётган тўпни тўхтатди. Ўша пайтда тўп чизиқни кесиб ўтган. Ҳакамлар эса буни сезмади. Ҳужум давом эттирилди ва Ду Брюненинг ажойиб зарбасини Куртуа қайтара олмади. 

Реферилар ўйин шиддатидан хатога йўл қўйган бўлиши мумкин. Аммо ВАРдагилар бу ҳолатни сезмади. Учрашув якунланганидан кейин Карвахаль ҳакам билан бўлган суҳбатни сўзлаб берди. 

"У бизга ВАР текширгани ва тўп чизиқни кесиб ўтмаганини айтди". 

Анчелотти эса қуйидагича гапирди:

"Менинг наздимда тўп чиқиб кетган, лекин ҳакамларни назарида ундай бўлмаган. Буни ҳамма кўрди, ВАРдагилардан ташқари". 

Ҳолатга "Манчестер Сити" футболчиси Родри ҳам реакция билдирди. 

"Биз ҳакамга ишонамиз".