"Манчестер Сити"нинг собиқ футболчиси МЮга ўтиши мумкин

"Бавария" вингери Лерой Сане ёзги трансфер ойнасида клуби рўйхатини ўзгартириши мумкин.

Футболчининг амалдаги шартномаси 2025 йилнинг ўрталарига қадар мўлжалланган. Мюнхен клуби эса ҳали шартномани узайтириш бўйича музокараларни бошламаган. "CaughtOffside" нашрининг хабарига кўра, "Бавария" Саненинг трансфер қилиш борасида бир қарорга келмаган.

Манбага кўра, ёзда ҳужум чизиғини кучайтирмоқчи бўлган "Манчестер Юнайтед" Санега қизиқиш билдирмоқда.

"Transfermarkt" портали 27 ёшли германияликни 70 миллион еврога баҳоламоқда.