"Манчестер Юнайтед" - "Челси": Матнли трансляция
- 90'
Учрашув якунланди! Матнли трансляцияни Абдулвосид Валихонов олиб борди.
- 90+'
МЮнинг хавфли қарши ҳужуми зарбагача етиб бормади. Марсьяль узатмада адашди.
- 90+'
Майдоннинг нариги томонида фақат Де Хеа қолди. Барча ҳужумда, "Челси" эса чизиқли ҳимоя ташкил қилиб олди.
- 90+'
Учрашув асосий вақтига 6 дақиқа қўшиб берилди.
- 90+'
Мейсон Саунт ўрнига Педро майдонга тушди.
- 89'
Фернандешнинг нозик тегиниш билан Игалога юқорилатиб узатган тўпига дарвозабон биринчи чиқиб келди.
- 86'
Лофтус-Чик Ковачич ўрнида ҳаракат қилади.
- 85'
ГООООООООООООООЛЛЛЛЛЛЛ!!! Бруну Фернандеш 11 метрлик жарима зарбасини аниқ амалга оширди. Тўп чапга, Кабалеро эса ўнгга кетди.
- 85'
Марсьяль жарима майдони ичидаги фаоллик эвазига пенальти ишлади.
- 82'
Тўп назорати манчестерликларда, аммо айтарли ҳужум йўқ.
- 80'
Виллиан ўрнида Хадсон-Одои, Жиру ўрнида Абрахам ҳаракат қилади.
- 79'
Решфорд ўрнига Игало, Ван-Бисакка ўрнига эса Фосу-Менса майдонга тушди.
- 78'
"Челси" жарима майдони ичига қамалиб олди.
- 75'
ГООООООООООООООЛЛЛЛЛЛЛЛЛЛ!!! Рюдигер ҳисобни йирик кўринишга олиб келиб қўйди. Йўқ, автогол экан. Қанотдан узатилган тўпни Харри Магуайр дарвозасига тўғрилаб юборган.
- 73'
Ўнг қанотда очилиб бораётган Жеймс тўп билан таъминланди. Унинг жарима майдони марказига узатган тўпи йўлини ҳимоячилар тўсди.
- 71'
Поль Погба Матэо Ковачичга қарши қўпол ҳаракат қилди. Сариқ карточка.
- 68'
Футболчилар бироз нафас ростлаб олишади.
- 66'
Бурчак узатмасига Магуайр кўнгилдагидек зарба бера олмади.
- 65'
Жарима зарбасини "Челси" ҳимоячилари майдондан чиқариб юборишди.
- 63'
Гринвуд ва Рюдигер тўқнашиб кетди. Яна шифокорларга иш бор.
- 57'
Маунт жарима майдончасида яхши очилди ва қулай имкониятдан зарба берди. Бироз юқоридан ўтиб кетди.
- 56'
Шунингдек, Гринвуд Дениэль Жеймс ўрнига майдонга тушди.
- 56'
Фред ўрнига Погба майдонга тушди.
- 52'
Марсьяль жарима майдончасига тезлик билан кириб бориб, хаввфли зарба берди. Бироқ тўп ўнг томондаги устун олдидан ўтиб кетди.
- 51'
Яна Маунт қанотда фаоллик кўрсатиб тўпни жарима майдончасига узатди. Ҳимоячилар ўз ўрнида.
- 46'
ГООООООООООООЛЛЛЛЛЛЛЛЛ!!! Мейсон Маунт ҳимоячиларнинг иккинчи тайм дастлабки сонияларидаёқ йўл қўйган хатосидан унумли фойдаланиб, дарвозанинг ўнг бурчагига тўпни жойлаб қўйди.
- 46'
Иккинчи тайм бошланди.
- 45+'
Танаффус.
- 45+'
ГОООООООООООООЛЛЛЛЛЛЛЛЛЛЛ!!! Виллиан қанотдан Аспиликуэтани олдинга бошлади. Сезарнинг пасидан сўнг Жиру оҳистагина тўпни дарвозага тўғрилаб юборди.
- 45+'
Дениел Жеймснинг ҳужумчиларни бирга-бир вазиятга чиқарувчи пасини Кабалеро ўқиди. Тўп унинг қўлларида.
- 45+'
Энди ҳозиргина майдонга тушган Марсьяль майдонда ётибди. Бу тайм тугайдими, йўқми?!
- 45+'
Замбил орқали Байи олиб чиқиб кетилди. Ўйин давом этади.
- 45+'
Байига майдон четида ҳам жиддий тарзда ёрдам кўрсатилмоқда. Ўйин шу сабабли тўхтаб турибди.
- 45+'
Марсьяль жароҳатланган Байи ўрнига майдонга тушди.
- 45+'
Биринчи бўлимга 5 дақиқа қўшиб берилди.
- 43'
Байи бу сафар Магуайр билан тўқнашиб кетди. Иккала футболчига ҳам ёрдам керак.
- 40'
Зума билан ҳаводаги курашда Байи кичик жароҳат олди. Тиббиёт ходимлари уни олиб чиқиб кетишди.
- 39'
Чап қанотдан узатилган тўпга Курт Зума боши билан зарба берди. Иккинчи қаватда ютиб чиққач, муваффақиятли зарба бериш қийин эди.
- 37'
Решфорднинг жаримадан йўллаган зарбаси жонли девордан қайтди. Энди қизиллар бошидан ҳужум уюштиради.
- 36'
Ковачич Брунуни очиқчасига тўхтатиб қолди. Ҳакам жарима зарбаси белгилади. Ҳозирча карточка йўқ.
- 33'
Виллиан чап қанотдан ярим майдонни бир ўзи босиб ўтиб ичкарига пас берди. Аммо тўп баланддан ўтиб кетди.
- 31'
"Челси" футболчиси жарима майдони олдида қоидани бузди. Хавфли нуқтадан Фернандеш томонидан берилган зарба унчалик ўхшамади ва Кабаллеро тўпни осонлик билан қайтарди.
- 30'
"Манчестер Юнайтед" "Челси"ни жарима майдонига қамаб қўйди.
- 26'
Бруну Фернандеш рақиб билан тўқнашувдан сўнг тиббий ёрдам олишига тўғри келди. Ҳаммаси жойида, у ўйинни давом эттира олади.
- 24'
Майк Динь футболчиларни чанқоқларини босиб олишга чақирди.
- 22'
Виллианнинг бурчакдан узатган тўпига жамоадошларидан ҳеч ким зарба бера олмади.
- 22'
Мейсон Маунт жарима майдони ташқарисидан зарба йўллади. Ҳимоячилар тўп йўлини блоклашга муваффақ бўлишди.
- 21'
Оливье Жиру жамоадоши Маунт билан фол ишлатиш бўйича пойга ўйнаётганга ўхшайди. Француз ҳужумда қоидани бузди.
- 17'
Оливье Жиру яхши вазиятга чиқиб бориши мумкин эди... Аммо офсайд.
- 15'
Қанотдан узатилган тўпга Маркос Алонсо боши билан зарба берди. Вазият анчагина хавфли эди. Бироқ тўп дарвоза устидан ўтиб кетди.
- 14'
Оливье Жиру ҳужумда фол ишлатди.
- 10'
Рис Жеймс узоқроқ масофадан зарба йўллаб кўрди. Де Хеа аввалига тўпни ушлаб қола олмади. Қайтган тўпга берилган зарбани эса муваффақиятли қайтарди.
- 8'
Маунт майдон марказида қўполлик ишлатди.
- 5'
Бруну Фернандешнинг қанотдан узатган тўпи анча юқоридан ўтиб кетди.
- 3'
Дастлабки дақиқаларда Байи яхши ҳаракат қилиб, тўпни узоқлаштиришга эришди. "Челси" тўп билан кўпроқ муомалада бўлмоқда.
- 1'
Ўйин бошланди.
- 0'
Жамоалар майдонга тушиб келишмоқда.
Фикрлар