"Манчестер Юнайтед" - "Эвертон": Матнли трансляция

Бир неча дақиқалардан сўнг АПЛ 7-туридан ўрин олган "Манчестер Юнайтед" - "Эвертон" баҳси старт олади. Мазкур ўйиндан онлайн трансляцияни сайтимиз орқали кузатиб боришингиз мумкин

• 90+4'
  

  Учрашув якунланди. "Манчестер Юнайтед" очко йўқотди.

• 90+3'
  

  Роналду офсайдда эмасди. Ён ҳакам байроқчасини кўтариб, ўйинни тўхтатди.

• 90+2'
  

  Демарей Грей ўз ўрнини Доббинга бўшатиб берди.

• 90'
  

  Ўйиннинг асосий вақтига 4 дақиқа қўшилди.

• 89'

  Жамоасининг узоқ давом этган ҳужумини Санчо кучсиз зарбаси билан деярли барбод қилди. Пикфорд ортиқча қийинчиликсиз тўпга эга чиқди.

• 87'

  Сульшер шогирдлари сўнгги дақиқаларда катта куч билан олдинга ташланмоқда.

• 85'
  

  Йерри Мина жамоасини ҳисобда олдинга олиб чиқди. Бироқ ҳакам офсайд туфайли голни бекор қилди.

• 83'

  Рафаэль Бенитес шогирдлари эрта прессинг уюштирмоқда. 

• 81'

  Поль Погбанинг зарбасидан кейин тўп устун ёнгинасидан ўтиб кетди.

• 78'

  Фернандеш жарима майдонига пас оширди. Тўпга ҳеч ким ета олмади.

• 76'

  Мэйсон Гринвуд ўйиндан ташқари ҳолатда қолиб кетди.

• 74'

  Роналду ўткир бурчакдан кучли зарба берди. Ноаниқ.

• 72'

  МЮнинг узоқ давом этган ҳужуми ноаниқ пас туфайли эрта якунланди.

• 70'
  

  Фред ўз ўрнини Поль Погбага бўшатиб берди.

• 69'

  Люка Диннинг қанотдан оширган тўпини ҳимоячилар қайтарди.

• 67'

  Гол ўтказиб юборган манчестерликлар дарҳол босим уюштира бошлади.

• 65'
  

  ГОООООООООООООЛ! Меҳмонлар ҳисобни тенглаштирди!

  Дарвозабон билан деярли бирга-бир вазиятга чиқиб борган Таунсенд жамоасининг чиройли ҳужумини гол билан якунлади.

• 62'

  "Ирисчилар" ҳужумларини якунлайдиган футболчи топилмаяпти.

• 61'

  Жарима майдони остонасида Гринвудни Аллан усталик билан тўхтатди.

• 59'

  Демарей Грейнинг зарбаси кучсиз чиқди.

• 57'
  

  Марсьяль ҳамда Кавани ўрнига Санчо ва Роналду майдонга тушди.

• 55'
  

  Люк Шоу ўзини ноқулай ҳис қилмоқда, чоғи. Унга тиббий ёрдам кўрсатилмоқда.

• 53'

  Рондон жамоадоши узатган тўпга ета олмади.

• 50'

  Манчестерликлар иккинчи таймни ҳам фаолроқ ўтказмоқда.

• 48'

  Фернандешнинг узатмасидан кейин тўпни Годфрей майдон ташқарисига чиқариб юборди.

• 46'
  

  Иккинчи таймга старт берилди!

• 45+2'
  

  Танаффус!

• 45+1'
  

  Антони Марсьяль йўллаган навбатдаги зарбани Пикфорд бартараф этди.

• 45'
  

  Биринчи таймга 2 дақиқа қўшилди.

• 43'
  

  ГООООООООООООЛ! Учрашувда ҳисоб очилди!

  Бруну Фернандешнинг узатмасидан кейин Марсьяль дарвозани ишғол этди!

• 40'

  Бўлим сўнгига келиб томонлар темпни бироз пасайтирди.

• 37'

  МакТоминей қанотдан жарима майдонига пас берди. Марсьяль тўпни дарвозага йўллай олмади.

• 36'

  Дукуренинг аниқ зарбаси йўлига ҳимоячилар блок қўйишга муваффақ бўлди.

• 34'
  

  Гордонга нисбатан қоида бузган Гринвуд огоҳлантирилди.

• 33'
  

  Демарей Грейнинг кучли зарбасини Де Хеа бартараф этди.

• 31'

  Қанотдан оширилган тўпни МЮ ҳимоячилар узоқлаштирди. Рондон тўпни дарвозага йўллай олмади.

• 29'

  Футболчилар ўзаро тортишиб кетди. Вазиятга ҳакам аралашди.

• 28'

  Гордонга нисбатан жарима майдони яқинида қоида бузилди. "Эвертон"да стандарт вазият.

• 26'
  

  Гринвуднинг жарима майдони ташқарисидан берган зарбасини Пикфорд ушлаб олди.

• 25'

  Дукуренинг зарбаси йўлига ҳимоячилар ғов бўлди.

• 23'

  Сульшер шогирдлари эрта прессинг уюштирмоқда.

• 21'
  

  Эдинсон Кавани боши билан дарвозани нишонга олди. Пикфорд ўз ўрнида!

• 20'

  Тўп назорати "қизиллар" томонда бўлиб турибди.

• 17'
  

  Бурчак тўпини майда пас билан ўйинга киритган мезбонлар якунда тўпни йўқотди.

• 15'

  Майкл Киннинг зарбаси ноаниқ кетди.

• 13'

  Ўйин тенг курашлар остида давом этмоқда. Ливерпулликлар ҳам бироз фаолликни оширди.

• 10'

  Рондоннинг уринишини Варан бартараф этди. Меҳмонларда қулай имконият юзага келганди.

• 8'

  Манкунияликлар ўйинни ўз назорати остида давом эттирмоқда.

• 6'

  Уан-Биссака берган пасга Марсьяль ноаниқ зарба йўллади.

• 4'

  Бруну Фернандешнинг узатмасидан сўнг Шоу тўпга ета олмади.

• 3'

  Кутилганидек, мезбонлар илк дақиқалардан фаол тарзда олдинга ўтмоқда.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча дақиқа ичида старт олади!