"Манчестер Юнайтед" Анчелотти ва Почеттинони номзодлар қаторига қўшди

Рубен Аморим ишдан бўшатилганидан сўнг "Манчестер Юнайтед" янги бош мураббий излашни давом эттирмоқда. Журналист Дункан Кастелс маълумотларига кўра, "қизил иблислар" клубни бошқариш учун Карло Анчелотти ва Маурисио Почеттинони қисқа рўйхатга киритган.

Манбага кўра, МЮ ёзда бўлиб ўтадиган Жаҳон чемпионатидан сўнг ушбу мутахассислардан бирини тайинлаш вариантини кўриб чиқишга тайёр. Сабаби ҳозирда Карло Анчелотти Бразилия миллий жамоасини, Маурисио Почеттино эса АҚШ миллий жамоасини бошқармоқда. Ҳар икки терма жамоа ҳам 2026 йилги Жаҳон чемпионатида иштирок этади.

Эслатиб ўтамиз, 2015 йилда "Реал"дан кетганидан сўнг Карло Анчелотти мураббийлик фаолиятини якунлашидан олдин бир кун келиб "Манчестер Юнайтед"ни бошқаришни исташини билдирган эди.