"Манчестер Юнайтед" АПЛда кучли тўртликка кира олмайди

"Манчестер Юнайтед"нинг собиқ ҳимоячиси Рио Фердинанднинг айтишича, "қизил иблислар" кеча "Арсенал"дан учралган мағлубиятдан сўнг мавсум якунида кучли тўртликка кириш имкониятини йўқотган.

Фердинанднинг таъкидлашича, Манчестер жамоаси аниқ тўртликка кира олмайди, улар учун ҳаммаси тугади. Рионинг таъкидлашича, "Манчестер Юнайтед"нинг баъзи ўйинчилари курашувчанликни йўқотган ва уларнинг кўзларида Чемпионлар Лигаси зонасига ёпишиб олиш имконини берадиган учқун умуман йўқ.

Эслатиб ўтамиз, манкунианликлар АПЛнинг 34-турида сафарда “Арсенал”га 3:1 ҳисобида имкониятни бой берди. Айни дамда Ральф Рангник шогирдлари премьер-лига турнир жадвалида атиги олтинчи поғонани эгаллаб турибди.