"Манчестер Юнайтед" бельгиялик ҳимоячига таклиф тайёрламоқда

"Брюгге" чап қанот ҳимоячиси Йоакин Сейс Англия Премьер-лигасига ўтишни кўзламоқда.

"Mirror Football" нашрининг хабар беришича, "Манчестер Юнайтед" 21 ёшли футболчи учун "Брюгге"га биринчи таклифни жўнатишни кўриб чиқмоқда. Бельгия клуби ўз футболчисини 35 миллион еврога баҳоламоқда. Ўтган мавсумда Сейс барча мусобақаларда 55 та ўйинда майдонга тушиб, бешта гол урган ва саккизта голли узатма берган.

Сейснинг "Брюгге" билан амалдаги шартномаси 2029 йилгача амал қилади. "Transfermarkt" унинг қийматини 20 миллион еврога баҳоламоқда.