"Манчестер Юнайтед" "Борнмут" ярим ҳимоячиси билан шартнома имзоламоқчи

"Борнмут" ярим ҳимоячиси Маркус Тавернье фаолиятини Англия Премьер-лигасининг бошқа клубида давом эттириши мумкин. Бу ҳақда "Daily Mail" нашри хабар беришмоқда.

Манбага кўра, "Манчестер Юнайтед" футболчи билан шартнома имзолашга қизиқмоқда. "Қизил иблислар" жорий мавсум охирида англияликнинг трансферига қизиқиш билдирмоқда. "Ноттингем Форест" ва Бирмингемнинг "Астон Вилла" клублари Тавернье учун курашда манкунианликларнинг рақобатчилари бўлиши айтилмоқда.

26 ёшли ҳавбек бу мавсумда АПЛда 25 та ўйинда майдонга тушиб, 5 та гол урди ва 4 та голли узатмани амалга оширди.